Pələng insanı dünyadakı həyatı istiqamətləndirə biləcək qədər güclüdür. Geniş ölçəkli işlərlə məşğul olmaqdan, kütlələri ayağa qaldırmaqdan və idarə etməkdən xoşlanar. İnsanların
marağını öz üstünə çəkməkdən həzz alar. Pələng insanının reaksiyalarını, məqsədlərini və hədəflərini əvvəldən bilmək haradasa qeyri-mümkündür. Pələnglər bəzən qərar verməkdə çətinlik
çəkərlər. Pələng ilində doğulan insanlar ümumiyyətlə yaxşı talelidir. Gözlənilməyən tərzdə davranan, hərəkətli və cəsur insanlardır. Pələng ilində doğulan bir insan ilə birgə olan
birinin ondan bezməsi düşünülə bilməz. Bu insanlar nəticənin hara çatacağını tam olaraq düşünmədən hərəkətə keçməkdə tələskənlik edərlər. Tez-tez coşğuya qapılıb gedərlər. Ən yaxşı
tərəfləri istiqanlı olmalarıdır. Başqalarının istəklərinə anlayışla yaxınlaşarlar. Zəif tərəfləri isə eqoizm və dostlarına qarşı məsafəli davranmalarıdır. Pələng ilində doğulanlar
peşə və karierdə ümumiyyətlə müvəffəqiyyətli olarlar. Bəzən təlaşlı xarakterləri zərər görmələrinə səbəb olar. Güclü romantik bir xarakterə və qüvvətli seks yönümünə sahibdirlər. Qadın
və ya kişi olsun gəncliklərində eşqbazlıq həyatı sürmələri mümkündür. Bununla birlikdə illər keçdikcə yetkinləşər və şəffaflaşarlar. Pələng ilində doğulanlar ən az xoşbəxtliyi Meymun
ilində doğulanlarda taparlar. Ən müvəffəqiyyətli əlaqələri isə İt və At ilində doğulanlar ilə reallaşdırarlar. Bundan başqa Əjdaha və Donuz ilində doğulanlar ilə razılaşmaları da
mümkündür.
